1. Konsulenca me biznesin
Hapi i parë është kuptimi i plotë i kompanisë suaj strukturës, kulturës dhe nevojave specifike për staf. Ekipi ynë zhvillon një takim fillestar për të analizuar pozicionet e kërkuara dhe për të përcaktuar profilin ideal të kandidatëve që do të sjellin vlerë reale në biznesin tuaj.
2. Gjetja e personelit të përshtatshëm
Pasi kemi përcaktuar kërkesat, ne përdorim rrjetin tonë ndërkombëtar për të kërkuar dhe përzgjedhur kandidatët më të kualifikuar nga Filipinet, India dhe vendet e Lindjes së Mesme. Çdo kandidat vlerësohet me kujdes për përputhjen e aftësive, eksperiencës dhe personalitetit me kulturën e kompanisë suaj.
3. Firmosja e kontratës së bashkëpunimit
Para se të vazhdojmë me proceset zyrtare, nënshkruajmë një kontratë të qartë dhe transparente që përcakton përgjegjësitë e palëve, afatet kohore dhe kushtet e bashkëpunimit. Kjo garanton besueshmëri dhe siguri për të dyja palët.
4. Zhvillimi i procedurave ligjore
Ekipi i Bliss merr përsipër të gjitha procedurat ligjore për sjelljen e punonjësit në Shqipëri — përgatitjen e dokumenteve, aplikimin për vizë dhe leje unike, noterizimet, legalizimet dhe pagesat përkatëse në institucionet shtetërore.
5. Pajisja me dokumentacionin e nevojshëm
Para nisjes, çdo kandidat pajiset me të gjithë dokumentacionin ligjor dhe administrativ të kërkuar për të filluar punën në mënyrë të rregullt dhe pa pengesa. Ne sigurojmë që gjithçka të jetë gati për ditën e parë të punës.
6. Sjellja dhe integrimi i punonjësit në Shqipëri
Në fund, koordinojmë udhëtimin dhe mbërritjen e punonjësit në Shqipëri. Ne asistojmë në procesin e integrimit të tyre në kompaninë tuaj, duke siguruar që ata të jenë të përgatitur dhe gati për të nisur punën menjëherë.